என் காதலின் தாயே!!!

பெளர்ணமி இரவில் வானம் பார்த்தால்;

நிலவுக்கு பதில் அங்கே உன் முகம்.

அமாவாசை இரவில் வானம் பார்த்தால்;

லட்ச்சகணக்காக உன் முகங்கள் நட்சத்திரங்களுக்கு பதிலாக.

உன் நினைவு சித்திரவதையால்,

நீருக்கடியில் கண்மூடி நான் இருந்தாலும்;

உன் கொலுசொலி செவிவழியே இதயம் பாய்கிறது.

முழித்து கொண்டிருந்தால் நீ என் உயிரை குடித்து விடுவாய்யென;

தூங்க சென்றால்,

நீ என் உயிருடனையே அமிழ்ந்து விடுகிறாய்.

மூன்று முறை கோயில் பிரகாரம் சுற்ற நினைத்த போதெல்லாம்;

தீடிரென குறுக்கிட்ட உன் நினைவு,

1003 ஆக முடித்து வைத்திருக்கிறது பலமுறை..

உன் நினைவெனும் உலகத்தில் தனியாளாக நான் உலாவி கொண்டிருந்தாலும்,

என்னை மனநலம் பாதிக்கப்பட்டவன் என்கிறது உலகம்.

இருந்தாலும் உன்னிடம்,

என் காதலை சொல்ல வந்த போதெல்லாம்;

என் தைரியம் கண்ணுகெட்டாத தூரம் போய்விடுகிறது.

நம் காதலில் கருவுற்று புதிதாய் பிறந்த குழந்தை நான்.

என் முகம் பார்த்தே எனது காதல்பசியை தீர்த்துவிடு

என் காதலின் தாயே!!!